الآول .. من هنا يبدا كل شي
من هنا يبدا كل شي .. من هنا تكون الحياه .. و تنتهي الآمل ومن هنا الفشل
البدايه
كلام كتير اوي يا عم و أسأله و بتاع استعنت بعبقري الانجليزي بتاعي رغم اني كويس فيه بس ثقتي في نفسي عاليه شويه فقولت بدل ما افتي اجيبوا
خلصت و دخلت عملت (Apply) في كل الشركات من غير ما اقرا حتي هيا بتبيع اه
صحيت تاني يوم لقيت واحد بيكلمني
آلو-
آيوه-
آستاذ عمر معايا-
آيوه مين حضرتك-
حضرتك انا تامر من شركه *** للتامين-
اه اهلا و سهلا-
حضرتك عندك انترفيو بكره الساعه ١٠ الصبح و يارات فورمل-
!! فورمل -
اه البس بدله -
و جرفته ؟ -
اه اكيد ياعني -
شكرا -
شكرا -
طبعا سؤال غبي مني فشخ روحت لاصحابي الوقفه المعتاده بتعاتنا و امتنعت تماما اليوم ده من شرب اي حاجه عاوز اكون فايق تاني يوم و كده ... و كلمت المكوجي خد البدله و كواها و نضفها ظبطني الصراحه و غسلت العربيه اموت و اعرف غسلتها ليه يعني هو هيشوفني بالعربيه اذاي
يوم المقابله الصبح الساعه ٧ صباحا
صحيت قي قمه النشاط شربت الشاي بلبن ... مكنتش خايف من المقابله انا اصلا انسان رغاي فشخ فمش هتفرق اوي معايا و مش خايف من الشخص
نزلت و المكان مكنش بعيد رحت بدري حوالي نص ساعه كده طلعت لقيت زحمه و ناس امم و اقول لنفسي يا واد يا عمر فوكك منهم خليك في نفسك و هموت و ارغي و اتعرف علي الناس لقيت واحده طالعالي مزه فششششششخ
نزلت و المكان مكنش بعيد رحت بدري حوالي نص ساعه كده طلعت لقيت زحمه و ناس امم و اقول لنفسي يا واد يا عمر فوكك منهم خليك في نفسك و هموت و ارغي و اتعرف علي الناس لقيت واحده طالعالي مزه فششششششخ
حضرتك استاذ عمر-
(و انا في كل انشكاح آه)
مين كلمك-
تامر-
اتفضل ورايا-
(و انا ماشي و انتوا طبعا عارفين عنيا فين المهم دخلت مكتب في قمه القذاره وواحد شبه السبكيين)
اتفضل يا عمر-
اهلا استاذ تامر-
اهلا اهلا-
تشرب حاجه-
شكرا-
كلمني شويه عن نفسك-
بالعربي-
اه-
- طيب انا عمر ٢٤ سنه متخرج من اكدمي قسم محاسبه لسه مخلص جيش بشتغل مسوق الكتروني ٧ سنين و مصمم مواقع و منت شغال في شركت كذا و كذا و كذا
- عظيم عظيم ... اه ه ه ه .. اه ه ه طيب ممكن تكلمني اكتر عن شغلك
- اه انا بيجلي عملاء من من كل حته بنقي التمبلت template الي هو عايزو و كمان بنع... (قطع كلامي !!)
- لا استني كلمني عن البيع
- البيع
- اه قولي بتبيع اذاي
- بعرضلوا شغلي و اسعاري و كمان بع.. (قطع كلامي !!)
- عمر تعرف حد بيقبض اكتر من ٤٠٠٠ جنيه
- نعم .. ليه ؟
- رد عليا بس
- اه اعرف
- كام واحد
- نعم ... ليه بس
- انت هتشتغل معايا سيلس اوت دور
- يعني اه
- يعني هتجيب عملاء علشان يامنوا عندنا
- و حضرتك العملاء دول اجبهم منين لامواخذا
- نعم .. مش فاهمك
- يعني اجبهم اذاي لامواخذا
- من صحابك جيرانك و كده ياعني
- و انتو مش هتجبولي ارقام ناس من عندكو
- لا انت الي هتجيب
- تمام
- نتكلم بقي في الفلوس
- اكييد
- انت مفيش مرتب .. مفيش ثابت .. مفيش عقد .. مفيش مفيش
(كان نفسي اقول له مافيش امك )
- امال في اه
- ف نسبه علي كل بوليصه تامين تبعها
- امم
- انا ممكن اخليك تقابل المدير العام دلوقتي و يوافق عليك لو انت عاوز يعني هتعمل السكند دلوقتي
- اه اكييد اكيييد
(اتحرجت اقولوا لا بصراحه )
- اهلا و سهلا
- اهلا بحضرتك
- تامر بيقول عليك بياع شاطر
- هههه شكرا جدا
- طيب يا تامر الولد شكلوا كويس خليه يجبلي الورق علشان بيدا فتره التديب
روحت البيت و انا مزهول اه الهبل ده يعني اه في حد ممكن يشتغل كده و ليه اصلا اخاطر بوقتي و بحياتي في حاجه انا مكسبي فيها لمده قصيره هستفيد اه خبره احا خبره اه ...
اه الهبل ده لا لا لما يكلمني انا هقولوا لا شكرا و بتاع واحد صاحبي قابلني و قالي كلموا انت
بصراحه كسلت قولت اكلموا بكره الصبح و صحيت الصبح اصلا مش فاكر اي حاجه من السهره بتاعت امبارح
صحيت من النوم علي مكالمه من واحده صوتها حلو اوي اوي اوي
- الو
- الو
- عمر معايا
- اه انا عمر ميين ؟
- انا سارا من شركه **** احنا بنعمل @#$٪#@@ و بنعمل كمان
(انا مش فاهم كلمه اه ام الانجليزي الي علي الصبح ده)
- حضرتك بعتلنا من يومين و قولت انك حابب انك تشتغل معاني في مجال ٪$#@ تحب نعمل فون انترفيو بالانجليزي دلوقتي
اتكسفت اقول اني لسه صاحي الحقيقه و مش فاهم منك حاجه بس انا بحب المجزفه و صوتها حلو اوي
- ماشي موافق
- Omar introduce yourself please
- pla pla pla pla pla
- تمام اوي كده حضرتك اكسبتيد معاني في الفون انترفيو ممكن تشرفنا بكره في العنوان ده الساعه ٩ الصبح
قولت ايوه بقي اخيرن جتلي الشغلانه الي بحلم بيها والي مش عارفها اساسا هيا اه ديه انا لازم احضر نفسي كده و اغسل العربيه ..
انا اصلا في الطبيعي قذر و عربيتي قذره انا ماشي بالمثل الي بيقول عربيتك بتعبر عن شخصيتك فتخيل بقي .... و غسلت البدله و الاميص و ظبط الدنيا
وصلت لقيت ان المكان في حته شيك اوي في فيلا كبيره فشخ و امن و حركات ركنت العربيه و كنت قبل معادي ب ١٠ دقايق كده دخلت الشركه لقيت رسبشن و ادامي ٣ مزز فوشاااااخ و ماسك نفسي .. واحده ندهت عليا
- ميين كلم حضرتك
- سارا
- شغلانت اه بالظبط
- اه ه ه ه ه ه مش فاكر الحقيقه
- تمام اتفضل استريح و هات ال CV
فضلت اعاد روبعايه كده و انا مش فاهم في اه و سامع اسمي جوا بيتقال كتير في اه انا شاكلي جامد ولا اه طب اجري .. طب استني .. لا اجري ... خلاص استني
و انا في حوار مع نفسي مؤلم دخلت عليا واحده SEXY !!
- عمر
- اه
- اتفضل معايا
( و طبعا انتو عارفيين عنيا فين دخلنا مكتب في منتهي الشياكه واضح جدا انها بنت ناس من المزيكا الي بتسمعها و نوع البرفان الي حطاه بصراحه مفيهاش غلطه اعجبت بيها جدا جدا و بصراحه في قمت الزوق )
- عمر اتفضل اقعد
( الكرسي بعيد شويه عن المكتب فبقربو كده سنه بسيطه لقتها قالبه وشها )
- عمر (please) سيب الكرسي مكانو و اقعد هناك كده
( انا في نفسي بقول اه ده هو انا كده بتهزق ولا اه .. لا مش انا الي يتعمل كده معايا .. لا اقولك اسكت احسن شكلها شغلانه محترمه )
- عمر انت معايا
- اه اه معاكي
- عمر انا لما كلمتك علي الموبيل انا فهمتك احنا بنعمل اه مش كده
- لا مفهمتنيش
- لا فهمتك انا فاكره
- يبقي انا نسيت
اخيرا هفهم بيعملوا اه
- احنا وكاله توظيف لشركات العقارات في مصر
- تمام
- تحب تشتغل سلس بس ان دور
- اه احب
- طيب بعلي شقه كده
(للمعلومات كل ده بالانجليزي مفيش كلمه عربي )
- ديه شقه جميله جدا و بتبص علي جنينه سعر المتر بيبد من ١٠ جنيه موجود في كمبوند امان جدا بعيد عن الدوشه و في نادي و في نظام تقسيط
( انا واخد فيها انت واخد فيها )
- تمام تمام تقدر تروح دلوقتي
- اه ده طب انا كده اه
- هنبقي نكلمك ان شاء الله
( انا عارف الكلمه ديه )
- مشيت و انا منكسر افاجي بتلفوني بيرن و برد و انا سايق بقول الو
- ايوه يا عمر انت فين ؟
- ميين ؟
- يا عم انا تامر بتاع شركه التامين
- اه ازيك يا استاذ تامر ؟
- جبت الورق ؟
- ورق اه ..... اه اه جبتوا و جاهز بس مش خاجي انهارده خليه بكره
- تمام شكرا سلام
- سلام
هموت و اعرف انا ليه مبقلوش اني مش هشتغل عندك .. روحت بتنا نمت ربع ساعه و لقيت الموبيل بيرن جامد اوي حاسس انو مستعجل مش عارف ليه
- الو
- الو
- عمر
- ايوه
- انا ساره من شركه *** الي كنت فيها انهارده
- اه ازيك يا ساره
- تمام
- انت عندك بكره السكند انترفيو في شركه كذا الساعه ١ الظهر في العنوان ده
- شكرا سلام
- شكرا سلام
احا بقي يا جدعان كده كل يوم انترفيو مش كده ....
اغسل ام العربيه و اكوي ام البدله و القميص نزلت رحت الشركه في اخر الدنيا
استنيت ساعه و نص لحد ماجالي لجنه فيها ٣ عامله زي لجنه تحكيم الكوره كده بتقلي تعالي ورانا و كان فيها واحده و طبعا انتو عارفين عنيا رايحه فين دخلنا مكتب كله زجاج من كل حته احييه انا اصلا مش بعزف اركز و هو مفيش حد بيشغلني
الزجاج ده هيزولني فشخ مع الي رايح و الي جاي و هما تقريبا عملين يتكلمو و انا مش معاهم
- عمر عمر عمر !!
- ايوه
- انتا معانا
- اه اه تمام
- يلا نبدا طيب
- اكيد يلا
- عمر عرفنا بنفسك كده بسرعه بالعربي
- حاضر
- عمر انت شايف نفسك فيين دلوقتي و فيين كمان ٥ سنين بالانجليزي لو سمحت
- شايف نفسي دلوقتي تحت الارض
- و كمان ٥ سنين
( ام ده سؤال استنبه في كل الانترفيوهات هكون شايف نفسي فيين في الساحل مثلا ولا مع امك مثلا اهدا كده و ركز و انت بتجاوب علشان هيخدوا بالهم انك مش مركز و مركز مع البت الي موطيه بره ديه بتجيب القلم ايوه ديه وطي كمان ايوه ايوه جابتوا خلاص اهو )
- شايف نفسي مدير
- نعم ؟!!
- مدير اه مدير
- ازاي ؟
- انا شايف نفسي عندي الامكنيات و المعايير المطلوبه في اي مدير ناجح او رجل اعمال
- طيب مدام كده افتح شركه ؟
( دا انتا رخم فشخ ما انا لو معايا افتح شركه هاجي لامك ليه )
- الخبره و المخاطره
- اشمعنا ؟
( يا يرخم يا بض...يا )
- علشان اي حد عندو خبره مش معناه انو يفتح شركه كان زمان الناس كلها فتحه شركات و محدش شغال هنا بقي الفكره في الاكتفاء امتي اقول انا مش عاوز اتعلم انا اعاوز ابني نفسي .. فا انا حضرتك جي ابني نفسي و بالنسبه للمخاطر انا انسان بحب احسبها بكل النواحي ممكن اخسر الفلوس الي معايا دلوقتي ولا اخليها لحد ما اكون اتعلمت اكتر اكييد هخليها
( البنت الي اعدا جنبو مرفعتش عناها من الاب توب و بصتلي من تحت النضاره كده و هي بتقولي )
- و انت هتتعلم هنا اه
- ابيع
- تبيع اه ؟
- عقارات
- فيين ؟
- فين اه ؟
- فين مكان العقارات الي هتبعها ديه ؟
- بصراحه معرفش ؟
- شوف يا عمر انت كويس و الانجليزي كمان بتاعك كويس بس تقدر تروح و استني مني تليفون او من ساره بكره او بعدو علشان الثيرد انترفيو
- اوك سلام
- سلام
ركبت العربيه و انا في كل انشكاح و غرور و ثقه في نفسي و حاطط علي العالم برجلي و حتي حصلت المآساه
الحقيقه و الاسم
لم اكن انوي اعلانها بعد و لكني لست بخبير في كتم اسراري و لا بير ترمون به ما لديكم لاحتفظ بها فقررت انشاء تلك المدونه لافضحكم و الاول اسم هذه المدونه ليس من تفكيري او ابداعي الشخصي اسم المدونه مآخوذ من مثلي الاعلي .
.The Amazing Spider-Man الرجل العنكبوتي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الثانيه : هي من المفترض ان تكون الاولي و لاكن لا بآس بها في الثانيه فهذه
مدونتي و انا حر افعل ما آشاء هي تعريفي كل ما تريدوا معرفه هو اسمي عمر عمري ٢٥ عام شعر اسود و به القلقل من الابيض تبدوا علي اثار السن و لست ب كبير و لاكن ابدوا اكبر من عمري و ذلك من كثره شرب الخمر و المخدرات لست بمدمن و لاكن احب الذهاب في الجولات الخياليه فمن هنا تبدا حياتي و تنتهي ... فحياتي بها الكثير من احلام اليقظه حتي انا لم اعد افرق بين الحلم و الحقيقه سواء نتيجه الهلوسه ام نتيجه تفكيري العميق ففي تلك المدونه او الروايه ... ساخذكم في و صله صغيره من عالمي الذي قررت التناذل و اخذكم في وصله و لاكن صغيره جدا فلست مرحب بالغرباء .. ارجو الالتزام بالادب و رحله سعيده
Search Results
البدايه السريعه
